На ден 21 февруари 2023 година, ООУ „Блаже Конески” – Аеродром беше домаќин и го одбележа меѓународниот ден на мајчиниот јазик.
Настанот беше посетен и поддржан од градоначалникот Тимчо Муцунски и претставниците од општина Аеродром, како и од сите основни училишта од општината.
По говорите на директорката на училиштето м-р. Виолета Ристовска и градоначалникот Тимчо Муцунски, кои што истакнаа дека мајчиниот јазик е нашиот идентитет и треба да се чува и негува како најсвето нешто, следеа изведбите на „Тешкото” и „Везилка”, од страна на учениците од нашето училиште.
Настанот продолжи по својот тек.
За македонскиот јазик и неговото значење,но и зачувување зборуваше, проф.д-р Снежана Петрова- Џамбазова – научен советник и редовен професор во Институтот за македонски јазик – „Крсте Мисирков”.
Веднаш по неа нашата колешка,наставничката, но и писателката Јадранка Клисарова, прочита неколку извадоци од нејзините книги и со своите ставови за мајчиниот јазик го оплемени целиот настан.
Издавачката куќа Арс – Ламина и нејзините претставници на овој ден ја збогатија училишната библиотека со 100 нови книги, како дел од кампањата „Читањето е супермоќ”. На сцената ни се обрати уредничката, Татјана Димовска – Атанасова, која ја потенцираше важноста на читањето, негувањето на македонскиот јазик и неговата правилна употреба.
На овој ден,на распишаниот литературен конкурс: „Јазикот на мојот дедо и прадедо”, во кои учество завземаа сите основни училишта од општина Аеродромсе доделија дипломи за прво, второ и трето место од одделенска настава и прво , второ и трето место од предметна настава, со присуство на нивните ментори и директори.
Настанот заврши со тоа што учениците си ги прочитаа своите литературни творби и не потсетија дека итекако имаме генерации, кои знаат да си го почитуваат сопствениот мајчин- македонски јазик.
А, ние следната година со радост го чекаме 21 февруари, за повторно да бидеме сплотени и единствени во негувањето и зачувувањето на мајчиниот јазик.